Tambe prome minister di Hulanda no tabata na altura di e deal di belasting cu a wordo haci den añanan 70 cu e famia real. “Nos ta bay investiga. Paso pa paso. E ora mi lo bin bek cerca bo,” e prome minister a bisa na RTL Nieuws.
‘Loke nos sa ta cu na comienso di añanan 70 tabata tin full un sistematica di e finansas di cas real den scuridad haci, cu por lo general a sali na cla. Awo e punto ta bin adilanti. Esey ta loke nos tin cu bay studia hopi bon,” Rutte a bisa RTL Nieuws
Deal bari for di mesa
Ayera RTL Nieuws a publica riba e deal. Famia Real ta hayando desde añanan 70 un compensacion riba e belasting cu nan ta paga riba rendimento di nan ingreso, manera accion y placa di spaar.
Un mayoria amplio di Tweede Kamer ta exigi un investigacion di parti di Prome Minister Rutte riba e deal di belasting di Rey. Si enberdad resulta cu tin acuerdonan secreto, e ora e deal mester wordo bari for di mesa.
Rutty no kier anticipa e pasonan. “Mi ta bay investiga prome,” Rutte a bisa.