Prome Minister: Parti financiero y social ta retonan grandi pa cumpli cune

0

Prome Minister di Aruba Sra. Evelyn Wever Croes durante e prome conferencia di prensa a desea un felis aña nobo na e comunidad di Aruba. E mandatario a comenta cu esaki ta un aña prometedor un aña den cual e cambionan cu a compromete durante campaña electoral lo weita su fundeshi y aña den e reto mas grandi cu lo ta e parti financiero di pais Aruba.

E plan financiero ta den e parti di finalisacion Prome Minister Wever Croes a informa, con lo bay cumpli cu e palabracion financiero haci den reino y no mas segun e ley di CAFT sino un trayectoria realistico basa riba cifranan real con pa yega na un presupuesto balansa y crea espacio pa tin un desaroyo economico y alaves atende cu e temanan di social, salud y enseñansa. Unda bes cu e plan aki ta cla lo bay discuti esaki den reino cu Hulanda pasobra desde cu Aruba ta bou di e subervision financiero di CAFT nos mester aprobacion di Hulanda pa cualkier desviacion.

Prome Minister a bisa cu te ainda nos a haya e espacio di parti di Hulanda pa nos prepara nos plan y a haya confirmacion cu nan no ta bay propone un kb apesar cu nos ta actuando cu e ley abase di cifranan cu nos a haya, y nan ta birando e espacio como confiansa den e Gobierno akinan.

Temanan Social

Otro di e desavionan pa e aña aki ta bay ta e tema social e retonan y problema social cu nos tin den comunidad. Ta conoci cu e retonan social ta bini door di e situacion financiero cu ta bin door di famianan y pa atende cu esaki lo percura pa baha e costo di bida y bin cu controlnan di prijs, baha prijs di awa y coriente y percura pa tin mas ocupo di empleo cu asina por trece miho situacion den hogarnan.

Lo bay atende cu e rapport cu a haya di tur e departamentonan social kico nan tin mester pa contra aresta realmente e problema social na Aruba. Prome Minister a bisa cu ora a sinta cu e instancianan social prome biaha e prome cos cu nos a pidinan ta pa bisa kico tin mester, pa sorpesa no a bin cu lista cu mester di ekipo, personal etc pero e departamentonan kier un compromiso di e gobierno debi nan ta cansa di traha lista, plan y nan ta bay den lachi y ningun atencion a keda duna. Mientras awor aki a haya un lista di tur loke tin mester pa mira di unda ta haya e finansas pa por cubri e plan aki asina e mandatario a informa den e conferencia.