Diabierna mainta a tuma lugar un conferencia di prensa yama pa Gobierno di Aruba pa loke ta e ultimo desaroyonan di e tempo cu a pasa nos y kico ta e dañonan cu a haya na nos costanan segun Prome Minister Mike Eman a splica. Despues di a monitor henter anochi y den oranan id marduga por a constata ora cu a haci bishita na nos costanan, cu hopi miembro di prensa a keda te laat ta yuda duna informacion na nos comunidad. Awe mainta a repasa hunto cu e team nucleo cu ta yuda coordina tur esfuerso pa Aruba ta bon prepara y pa por duna servicio na nos comunidad den momentonan asina y e resultado di e evaluacion cu e tempo cu a experencia, no a haci dañonan grandi. Tabata tin yobida cu interupcion. Tabata tin y ainda tin olanan grandi na nos costa. Cierto parti di nos costanan a wordo afecta y durante e siguiente dianan aki lo mester bay traha tanto pa recuperacion di cierto area di nos beachnan y tambe hopi palapa a cay. Por a mira tambe un cantidad di yerba riba nos beachnan.
Den e cayanan nos isla. Specialmente den areanan cu tin inundacion. A bishita e areanan aki y por a constata cu no tabata tin e inundacionnan den tempo pio cu Aruba a conoce e ultimo añanan cu tabata tin. Esey ta di bisa cu probablemente e cantidad di awa no tabata asina hopi compara cu algun aña pasa. Riba diferente area di Aruba tin miho infrastructura poni pa por atende cu e cantidad di yobida cu ta haya cu cierto tempestadnan. Di parti di polis tambe a raporta cu cosnan a bay basta trankil. Aki aya tabata tin mester di asistencia di polis, pero relativamente trankilo, den oranan di madruga. Di parti di bomberonan tambe Gobierno a wordo raporta cu locual cu conoce den pasado, e cantidad grandi di peticion pa bin yuda den situacionnan den bario of na cas, no tabata tin eseynan di ayera nochi pa marduga, pa awe mainta. Esey tambe ta un indicacion di e manera cu e tempo tap asando. Tambe di parti di salubridad tin un siman tambe faboraldi tabata bon prepara, ambulance tambe taga bin prepara. Tabata mester di mayor uzo pa tur locual cu a pone pa ta prepara pa e momentonan aki cu sigur sigur ta duna un sentido di alivio y tambe di alegria, manera cu nos a wordo informa tambe door di Servicio Meteorologico y manera cu sa di pasado, tin bes tin un rabo ta bin, of algo cu ta wordo crea door di tur locual a sodode. Pa e motibo ey lo keda hopi pendiente. Lo keda sigui e desaroyo di tempo hopi di cerca. Gobierno ta kita segun indicacion e watch pa 11’or mainta, pero kitamento di watch ta un terminoligia mas, pa locual ta trata con Hurricane Center y otro servicio meteorologico ta cualifica un tempo, pa nos mes e operacion ta keda pendiente den e oranan cu ta bin y segun cu ta mira cu berdad cu tempo ta bay trankilisando y no tin perspectiva of no tin prospecto di cambio grandi, segun Prome Minister.