Prome minister di Irlanda ta corda Trump cu Saint Patrick tabata imigrante

0

WASHINGTON D.C., Merca – E prome Minister Irlandes, Enda Kenny, a causa revuelo den Cas Blanco na bispo di e celebracion di e Dia di Saint Patrick, ora a corda e presidente Mericano, Donald Trump, cu e festividad aki ta rindi honor na un imigrante.

Durante e festeho, celebra diahuebs den e anochi den e Salon oost di e Cas Blanco, bao di e mirada di emandatario, Kenny a haci un referenciai ncomodo riba e politica migratorio controvertido di Trump.

“Ta conveniente pa nos reuni akinan cada aña pa celebra Saint Patrick y su legado. Por supuesto, e tambe tabata un imigrante,” Kenny a bisa.

Aunke ta pensa cu e santo a nace den algun luga di Gran Birtania, cerca di 35 miyon di Mericano ta afera na e ascendencia Irlandes y ta percura cu e presidentenan sucesivamente mantene e tradicion di bisti un dashi berde y celebra den Cas Blanco dia di Saint Patrick hunto cu e prome minister Irlandes.

“Y aunke e ta, por supueto, e santo patron di Irlanda, pa hopi hende rond mundo, tambe e ta patron di e imigrantenan,” Kenny a añadi.

Trump a elogia Irlanda, bisando cu “berdaderamente ta un gran pais” y a cualifica e Irlandesnan como “fuerte.”

“Mi sa hopi di e Irlandesnan, nan ta bringa, nan ta duro,” el a haci joke.

E celebracion di Saint Patrick e aña aki a coincidi cu e momento cu mester a drenta na vigor e di dos decreto di Trump, cu ta limita ingreso di imigrante y refugiadonan di seis pais di mayoria Musulman na merca.

E decreto a wordo para pa un hues federal, pero Trump a priminti’e pa hib’e pa Corte Suprema.

Kenny, kende a haya su mes involucra den un controversia na Irlanda riba si mester a asisti den e encuentro cu Trump, a bay incluso mas leu den su discurso.

“E Irlandesnan a contribui na e bida economico, social, politico y cultural di e gran pais aki durante e ultimo 200 aña,” Kenny a bisa, recordando e imigracion Irlandes pa Merca den momentonan dificil.

“Nos ta kere den e refugio, compasion y e oportunidad di Merca. Nos a bin y nos a bira Mericano,” el a agrega.

Fuente: http://expansion.mx

 

Comments

comments