Prome edicion di “Santa Rosa ta informa” ta cla pa cuminsa

0
RBC Juli 2018
Funmiles-2018

Pa varios aña caba e peticion pa continua cu un programa manera nos tabata produci cu tabata “Santa Rosa ta Informa semper a keda bin dilanti. Hopi ta esnan cu tabata admira e produccion aki. E motibo principal ta cu e tabata un programa hopi varia cu hopi informacion y e mas importante e parti educacion. Hopi ta ensnan cu tabata sinta dilanti Television specialmente pa mira e programa aki. Den e programa a wordo presenta mayoria di nos agricultor y productornan. Sea cu tin un plantacion di Pinda, Maishi Rabo, Esnan cu ta Cria Bestia y asina por sigui menciona. Semper e interes pa un programa di e magnitude aki a keda grandi.


Recientemente Deparatamento di Agricultura, Cria y Pesca Santa Rosa pa medio di su minister sr. Chris Romero a sinta cu nos planta nacional cu ta Telearuba NV pa mira si tin espacio pa bolbe cuminsa cu un programa manera tabata wordo presenta manera a menciona caba. Esaki sigur tabata na interes di parti di Telearuba pa motibo cu falta producccion nan local y mas ainda pa trece e parti di Agricultura,Cria y Pesca un biaha mas dilanti y mustra e importancia di nos Sector Primario. E parti concientisacion y educacion ta keda hopi ensecial pa nos hoben nan di awe cu nos kier motivanan tambe pa mira tipo di programa nan asina. Kisas por lanta un tipo di interes cu nos hobennan tambe por cuminsa pensa den tipo di produccion di sea fruta of berdura pa propio consumo. Ban cuminsa prome eynan den esacalanan chikito. Esaki ta algun idea cu por cuminsa pensa.Despues di a hasi varios filmacion y pone tur programa riba un liña nos ta cla pa presente na Aruba completo nos prome edicion.

Departamento di Agricultura, Cria y Pesca Santa Rosa conhuntamente cu nos planta nacional TeleAruba ta hasi un invitacion cordial na henter pueblo di Aruba pa sintonisa e programa “Santa Rosa” diahuebs awor 9 di augustus pa 7.30 di anochi den su prome edicion. Den e prome edicion aki nos a hasi un bishita na “Cunuco Fresh” di nos amigo sr. Rudolf Arends kende ta produciendo 5 diferente tipo di lechuga den un systema moderno di Hydroponic. Un programa hopi interesante pa mira. Tuma bon nota di kico tur por wordo planta na Aruba mes pa medio di e programa aki. E programa lo ta 2 biaha pa luna cual ta wordo ripiti riba e siguiente diahuebs.


Nos ta gradici nos planta nacional Telearuba pa e bon coperacion ricibi pa produccion completo di e programa “Santa Rosa” y minister Chris Romero pa tur coperacion duna pa e proyecto aki. Asina ta Aruba tin un cita cu “Santa Rosa” diahuebs awor diahuebs pa 7.30 di anochi atraves di Telearuba.

Comments

comments

C: Heineken
new india
dvg