Pa algun siman Universidad di Aruba a organisa un workshop pa yuda nos profesionalnan cu ta deal cu nos hobennan pa cual aki Sra. Nicole Hart, docente Social Work and Developments na Universidad Aruba ta amplia.
Un di e parti di su trabao ta con pa crea international collaborations cu otro universidadnan rond mundo pa nan opleiding, y un di nan ta Hogeschool Zuid. Aña pasa nan tabata di bishita na Aruba pa un encuentro cu Universidad di Aruba, pa wak con nan por traha hunto. Un colega di nan a bay un conferencia na Maastricht y e pregunta a bin dilanti, den kico nan por apoya Aruba.
Mirando cu Universidad di Aruba tin hopi enfasis ariba comunidad, pero tambe duna apoyo na docentenan, pa cual e prome siman nan a focus ariba e docentenan. E worskhop tabata encera con pa guia studiante mas miho, worshop di coaching, workshop di group dinamica y con pa traha mas efectivamente cu organisacionnan social na Aruba.
E ultimo siman nan a focus ariba e veld social, ya cu na Aruba ta hopi dificil pa por haya workshop pa cursonan pa trahadonan social, docente, psycholoog, con pa guia e mayornan. Un di aspectonan crucial ta cu e mayornan mester di mas guia of atencion con pa yuda nan yiunan den nan sistema di enseñansa pero tambe den e bida di tur dia.
A bin cu e idea e ora di bin cu un workshop di cuater dia unda lo pone enfasis ariba e veld, con pa guia e mayornan mas efectivo. Tabata dos siman hopi druk y lo clausura e workshop cu un evaluacion, pa asina como universidad nan ta duna workshopnan di calidad, segun Sra. Nicole Hart, docente na Universidad di Aruba.