Bersah ta un wholesaler di categoria premium y ta conoci pa su pisca, carni, galiña, berdura, fruta, productonan pa traha sushi y mucho mas. For di aña 1994, Bersah ta entrega mercancia na diferente hotel, restaurant y na e consumidor Arubiano. Awor na Bersah bo por spaar y cambia Fun Miles tambe. Pa celebra esaki, tur cliente lo ricibi dobel Fun Miles te cu dia 31 di augustus proximo. Pa clientenan empresarial Bersah tin algun promocion adicional.
Tocante Bersah
Bersah tin casi un cuart siglo y ta distingui su mes dor di su servicio atento y personal, e calidad di su productonan y e asortimento grandi cu nan ta ofrece. Esaki ta inclui pisca, carni, galiña, fruta y diferente otro specialidad nan mas. Tambe nan ta ofrece productonan di temporada manera fresh mussels, white asparagus y mas. Si clientenan ta desea algo special of specifico, e team di Bersah ta haci su maximo esfuerso pa entrega esaki. Pa mas informacion bo por bishita bersaharuba.com.
Incentivonan di Fun Miles pa clientenan empresarial
Bersah ta entrega producto na casi tur hotel, restaurant y mayoria evento culinario cu keda organisa riba nos isla. Claro, tur e companianan aki tambe por spaar y cambia Fun Miles. Bersah lo ta bai tin diferente oferta y promocion special pa clientenan empresarial. Por ehempel, un biaha pa aña lo premia e mihor cliente cu 10,000 Fun Miles. Companianan cu ta desea di sa mas di esaki por tuma contacto cu Bersah.
Tocante Fun Miles
Fun Miles ta é programa di recompensa mas grandi den Caribe. Miembronan di Fun Miles ta disfruta continuamente di promocionnan atractivo y ‘fun’ serca diferente partner di Fun Miles, manera e actual campaña ‘Explore the summer!’ Por mira e ofertanan riba funmiles.net.
Mas informacion tocante Fun Miles?
Tuma contacto cu servicio na cliente na number 588 9947 of bishita funmiles.net of facebook.com/funmiles.