Produccion di petroleo na Venezuela den su peor caida den 30 aña

0
RBC Juli 2018
ling and sons porciento
Funmiles-2018

CARACAS, Venezuela- E produccion di petroleo na Venezuela ta sigui cay. Na Juni a registra e indice di produccion mas malo den e ultimo 30 añanan. Segun e Organisacion di Paisnan Exportado di Petroleo (OPEP), e caida tabata di ms di un miyon y mei di bari pa dia.
E volume ta sigui di ta esun mas abao den e ultimo tres decadanan, excluyendo e caida registra pa un welga den e sector na December y februari 2003. E produccion di juni a representa un perdida di 2 mil bari diario compara cu mei, ora cu e regimen Venezolano a raporta na OPEP un aumento fugaz di 24 mil bari pa dia compara cu april.
Sin embargo, fuentenan secundario di Mercado cita pa organisacionnan a indica cu e caida na juni tabata di 47.500 bari pa dia. Esaki ta nifica un caida den produccion ten a 1.34 miyon bari pa dia.
Dicho nivel no solamente ta esun mas abao den 30 aña, sino esun mas malo desde maart 1950, ora cu e pais a produci 1,38 miyon bari pa dia, segun cifranan di e compania estatal Venezolano PDVSA cita pa e agencia consultor Capital Market.
E situacion aki ta a pesar di e esfuersonan cu, segun gobierno, PDVSA ta realisa pa recupera e produccion di petroleo, fuente di 96% di e entradanan di e pais aki, den recesion desde 2014 y ta depende di e importacionnan. Maduro a duna ordo na e compania petrolero pa aumenta e produccion na un miyon di bari pa dia, pa beneficia di e aumento den e prijs di petroleo.
E prijsnan abao di crudo den e ultimo añanan, hunto cu e productividad abao, a genera un crisis grave di escasez di tur tipo di productonan basico y un superinflacion, cu segun IMF, lo subi na 13.800% na final di 2018.
E compania di consulta Ecoanalitica a calcula cu e aña aki e pais petrolero lo cera cu’n produccion di 1,2 miyon bari pa dia.
E regimen Chavista ta culpa e mal maneho di PDVSA di e situacion di e pais. PDVSA a wordo sacudi pa multiple casonan di corrupcion y poco inversion den infrastructura door di e bahada den ingresonan.
Tambe e ta culpa Merca su sancionnan cu ta impede e compania petrolero di negocia un debe nobo den e pais aki. Na 2017 PDVSA a bay den default pa pagonan atrasa den bondnan di debe.
Sin embargo, specialistanan a sigura cu e caida ta debi na e hecho cu gobierno ta uza PDVSA pa financia su buraconan fiscal grandi.

Comments

comments

C: Heineken
new india
dvg