Tambe durante conferencia di prensa, Sr. Ricardo Croes, lider di partido RED a hiba palabra, caminda cu el a splica cu despues di 5 siman, a logra yega na un acuerdo.
E proceso no a bay asina facil manera tur hende tabata pensa, pero e tabata fructifero. Partido RED ta contento di e ministerio cu nan a haya como encargo y ta priminti di cumpli cabalmente cu nan encargo. Sr. Croes ta duda cu su coleganan di coalicion tin otro intencion.
Intencion ta pa mustra pais Aruba cu nan por traha den coalicion, nan ta traha den coalicion y nan lo bay ta un exito den coalicion. Tur tres partido a core un campaña di 7 minister. Sra. mr. Evelyn Wever Croes a splica e motibonan pa cual a bay na 8 minister. Ideal tabata ta pa nan a topa otro den e 7 ministerio aki. Pueblo a dicidi di duna Aruba un gobierno di coalicion di tres partido. Y esaki a pone, pa por a topa otro y tur hende a sinti nan honra riba cu nan asientonan, a haci’e practicamente posibel pa tin 8 minister. Nan ta hendenan realistico, responsabel, y nan sa cu ta imposibel pa haci’e cu 7 minister. Despues di a debati ariba esaki, den negociacionnan nan a yega na un acuerdo ariba 8 ministerio cu ta adecuado pa e gobierno aki. E forma con e carteranan a wordo reparti manera cu Sra. Wever – Croes ta adecuado con e gobernacion lo tuma luga den e periodo 2017- 2021.
Partido RED kier a gradici Dr. Rudy Lampe y Sr. Robby Croes cu a yuda den e negociacionnan. Y ta gradici na e pueblo di Aruba, pa e confiansa den e gobierno.