Problemanan social ta trece preocupacionnan den mundo comercial pa diferente motibo, segun Sr. Ernst Mohammed, di Camara di Comercio.
Tanto comercialmente como salubridad ta afectando nos comercio. Aparte di gastonan cu ta grandi, di AZV y SVB, cu tambe e parti di dunado di trabao. Ora cu un empleado mester bay cu un ser keri pa motibonan medico den exterior pa un largo tempo, esaki ta trece un peso no solamente financiero, pero tambe pa financiero, cun’ e pa e comerciante.. Mester contrata personal nobo. Y incertidumbrenan tambe ta pone un peso mental ariba e negoshinan.
P’ esey lo purba cu minister Dangui Oduber, pa wak con ta acata e reto ey. No solamente den interes di e hendenann cu ta malo, pero tambe nos hendenan. Aruba mester tambe atencion pa e parti social. Esey ta pone un peso ariba comercio. Tin yen hende ta cana rond sin trabao, criminalidad ta subi, adictonan ta subi. Tur esey ta puntonan di preocupacion pa Camara di Comercio.
E aña aki Camara di Comercio lo tin 3 miembro nobo. Tur ta miembronan di calidad. Tin Lindsy Croes cu ta conoci pa Caya Grandi, Sra, Wanda Broeksma, CEO di Digiciel y Sr. Satish Daryanani, entrepeneur den mundo di retail. E directiva a wordo amplia, y Sr. Mohammed ta contento di por e encabesa e directiva aña pasa y cu nan por a eherce locual ta nan plan strategico cual ta importante.
E lema di e aña aki lo ta nivel. Aruba y comercio y en general, mester bay un nivel mas halto, pa nos yiunan, nos nietonan lo haya un Aruba feliz. Tur Arubiano lo haya chance den nan mesun cas, segun Sr. Ernst Mohammed, di Camara di Comercio.