Minister encarga cu Turismo, Salubridad Publico y Deporte, Sr.Dangui Oduber tin tur e intencion pa hunto cu tur stakeholders den e tereno di cuido mental y di adiccion, pa pone e debido atencion na e problemanan mental y di adiccion cu ta problemanan serio den nos comunidad actualmente cu no a haya nan debido atencion den e ultimo 8 anjanan di e gobierno anterior.
E Minister encarga cu Salubridad Publico kier garantisa pueblo di Aruba cu bou su maneho sigur lo bai atende cu e problemanan mental y adiccion den un forma serio. Pa otro siman caba e mandatario tin plania pa sinta cu tur e stakeholders den e tereno di cuido mental y di adiccion pa di un manera structura bin cu un maneho duradero y efectivo pa cu e problemanan serio aki cu ta afecta nos comunidad.
E Minister lo kier centralisa e cuido mental y di adiccion y di e forma ey integranan hunto. Lo kier bay enfoca hopi riba prevencion tambe cu lo ta sumamente importante pa nos concientisa y informanos comunidad debidamente.
E mandatario tin un vision amplio pa cu problemanan mental y adiccion y ta ansioso pa hunto cu tur e stakeholdersnan riba e terenoya menciona concretisa esaki den practica.