Central di Polis ta manda un patruya pa un adres na Brazil pa un caso di maltrato. Na nan yegada nan ta papia cu e cabayero M, kende ta declara cu el a bay reclama e bisiña tocante e awa di beerput ta core. A start un discusion entre M. y su bisiña.
Despues di un rato un homber cu e declarante conoce como Mirto y un otro homber, Danilo ta yega y ta maltrat’e cu’n bat, na su man robes y na su heup banda robes.
Polisnan a bisa M., cu si e ta desea di entrega denuncia pa e bay Imsan pa checkeo medico y pa despues pasa warda di polis pa entrega keho.
Polis a tene control na e bisiña pero e dos hombernan a bay caba for di e sitio.
Central di Polis a wordo poni na altura.