E reunionnan di IPKO (Inter Parlamentair Koninkrijks Overleg) actual ta hopi importante, a kies durante varios reunion, y como presidente di e comision, a kies pa e tema sostenibilidad y tambe e tematico di Venezuela a bin ariba agenda. Sr. Rocco Tjon ta amplia.
E tema di Venezuela tabata uno cu a causa basta preocupacion na Aruba. Durante IPKO a tene un sesion di informacion di Departamento di Siguridad di Aruba pa asina hunto cu coleganan di diferente parlamento, pa asina entre otro, zorg pa e siguridad y e controlnan na nos fronteranan wordo fortifica. E tematica di Venezuela tambe tabata tin su consecuencianan pa instituto coreccional, unda cu ultimo temponan di detenidonan Venezolano tambe a aumenta. Ariba peticion di e comision di IPKO Aruba, pa prome biaha e tema di prizonnan sostenibel tambe a wordo poni ariba agenda, pa asina den Reino wak con ta yega, a corto plaso na un Instituto Corecional Sostenibel.
Mas aleu, Sr. Rocco Tjon a sigui bisa cu e ta contento cu su colega, Sr. mr. Andin Bikker, como minister di husticia, tambe a logra di pone e tema aki ariba agenda, di e Justitieel Vierpartijen Overleg, cu e ministernan lo bay tin. Asina lo por yega na solucion concreto den tur angulo, tanto for di Parlamento, como for di gobernacion, pa asina trece cambionan pa nos instituto coreccional.
Ariba e tema di Venezuela, gobierno di Venezuela ta papia di contrabando di oro, diamante, koper, piesanan di auto, y como lider di fraccion, Sr. Rocco Tjon a tuma contacto cu Minister Presidente, ariba esaki, unda cu el a haya un sesion di informacion hunto cu e otro parlamentarionan di Reino tambe. Otro siman lo bay yama un reunion cu Minister President pa duna full e comision un ‘briefing’, aunke cu Minister President a tene informa cu ya caba ta trahando ariba e lasonan cu tin cu Venezuela.
Na 2016, gobierno di Venezuela, a manda pidi gobierno di Aruba pa su cooperacion pa para exportacion ilegal di e.o. koper, comestibel etc, pa Aruba. Minister President a forma un comision, unda hunto cu autoridadnan Venezolano lo bay wak con pa fortifica e controlnan na Barcadera.
Esaki ta un problema cu tin hopi tempo caba ta andando y ta bon pa yega na un solucion duradero pa e situacion aki, pa e wordo mehora, segun Sr. Rocco Tjon, lider di fraccion di MEP den parlamento.