PARIS , Francia- Cuidadonan di preso a wordo agredi pa un prisonero “radicalisa” den un prizon na Francia. Esaki ta bin un par di dia despues di un incidente similar den otro prizon di e pais, según AFP.
E agresion aki a tuma luga dialuna atardi den e prizon na Mont-de-Marsan (zuidoost di e pais), e mesun dia cu guardianan di prizon a blokia entrada na varios prizonero pa protesa contra e condicion di trabao y falta di siguridad.
E detenido a golpia varios agente despues di a nenga di wordo listra. En total nuebe agente a tabata tin mester pa e controla e preso. “Tres guardia a sufri fracturanan y otro cuatro multiple heridanan”, e delegado sindical CGT, Ludovic Motheron, a declara.
A pesar di e renuncia di e director di e prizon ey y e promesa di presidente Frances, Emmanuel Macron, di un “plan global” pa mehora e siguridad den e prizonnan pa final di Februari, e sindicatonan a tene nan accion diamars.
Fuente: https://www.afp.com