TOKYO, Japon- Princes Mako di 25 aña, lo renuncia na su dinastia pa otro aña casa cu Kei Komuro, un mucha homber cu el a conoce na universidad, segun e cadena di noticia Japones NKH. Esaki ta nifica e salida di e princes for di e Cas Imperial.
Mako ta e nieta mayor di e emperador Akihito di Japon y yiu di e prins Akishino, di dos den liña di sucesion na e trono Japones. Sin embaro, e matrimonio di e princes ta debilita e famia imperial Japones, cu cada biaha ta mas bieuw y e distancia generacional ta mas schaars.
“E dinastia herediario reinante mas antiguo na mundo actualmente ta consisti di 19 miembro, di cual solamente 4 ta homber, y nan ta e uniconan cu por accede na e trono. Esakinan ta e emperador Akihito (83), prins Naruhito (57), prins Akishino (51)y prins Hisahito (10) ruman mas chikito di prinses Mako.
A pesar di e consecuencianan cu esaki por trece pa e famia imperial, Akishino y su casa Kiko (mayornan di e bruid) a expresa na felicidad pa e matrimonio.
Fuente: www. terra.com