BENGALURU, India – E expectativanan ta sugeri cu e principal banconan central lo aleha di e politica monetario ultralaxa apesar di e escasa evidencia di un aceleramento di inflacion, mustrando diahuebs sondeonan di Reuters na mas di 500 economista.
Un concusion notabel di e encuestanan ta cu e ta habriendo un gap entre na loke mayoria di e principal banconan central ta apunta – inflacion – y e sesgo di su politicanan, loke a hiba hopi economista na adverti di e riesgo creciente di un eror den e ultimo aspecto aki.
“Ta un di e puzzelnan economico mas sorprendente di nos tempo: dicon ora cu e tasanan di desempleo ta cerca di minimonan historico den asina hopi parti di e mundo occidental, e crecemento di e salarionan ta asina lento y e inflacion asina modera,” Janet Henry, economista global hefe di HSBC, a señala.
“Asina ta cu e mensahe general ta cu e banconan central lo bay tin cu keda cauteloso riba e ritmo cu nan ta retira e apoyo monetario,” el a agrega.
E ultimo encuestanan di Reuters tambe ta subraya e optimismo di e analistanan riba e impulso di e economia mundial, specialmente riba Europa, mescos cu e economianan di India Y China, cu hunto nan tin casi e 40 porciento di e poblacion mundial.
De hecho, un mayoria di casi 150 economista a responde na un pregunta adicional cu ta bisa cu ta mas probabel cu e economia global tin un desempeño miho y no pio durante e proximo aña.
Esaki ta coincidi cu opinionnan bastante optimista cerca di con e mercadonan bursatil mundial lo actua den e proximo lunanan, segun un encuesta separa di Reuters a revela.
Pero un minoria significativo ta sigui miranod algun riesgo economico predominantemente negativo, hasta despues di mas di un decada di estimulo monetario y compras di activonan di e principal banconan central pa mas of menos 15 biyon di dollar.
E sondeonan di Reuters a revela cu no tabata tin cambio den e previsionnan di crecemento of, den e miho di e casonan, un mehoracion liviano pa 26 di e 45 economianan considera den comparacion cu e lunanan anterior.
E previsionnan di expansion global, recompila separadamente, a sigui aumenta gradualmente for di final di e aña aki. E ultimo pronostico di crecemento pa 2017 tabata di un 3.5 porciento, sigui pa e expectativa di un expansion di un 3.6 porciento na 2018.
Pero e pronosticonan di inflacion tabata ligeramente mas debil en comparacion cu e ultimo sondeo, cu rebahanan den mas di e mita di e economianan encuesta. Na e mesun momento, ta premira cu casi mita di e banconan central consulta ta relaha of ta ahusta nan politica monetario actual.
Fuente: www.reuters.com