Central di polis ta manda un patruya pa Seroe Bentanaweg caminda cu asistencia a wordo pidi. Na nan yegada polisnan ta papia cu e cabayero P., cu ta declara cu e homber cu e conoce como “Prince” a bin su cas y a pidi’e placa. Ora cu P. a bis’e cu e no tin placa pa dun’e, “Prince” a dal’e cu’n pida palo cu e tabata tin den su man. E ora P. a bisa “Prince” cu e lo bay busca placa p’e. Pero P a bay patras di su cas y a subi dak di su cas. For di eynan el a grita “Prince” pa e bay for di su cas y cu el a yama polis.
“Prince” a contesta cu e lo bolbe y despues a cana bay. P. a bisa polisnan cu lo pasa warda di polis pa entrega keho. Central di polis a wordo poni na altura di esey.