LONDON, Reino Uni- Prins Phillip, di 96 aña, casa di Reina Isabel di Inglatera, a wordo hospitalisa pa un infeccion y no por a asisti na e apertura di e ciclo legislativo Britanico, aunke cu e ta den bon estado di humor, segun un comunicado di Palacio di Buckingham.
Phillip, kende ta Duke di Edinburgh y hopi biaha e ta hala atencion pa su salida di protocol mediatico, tabata banda di e reina durante 65 aña riba e trono Britanico. Isabel a describi su casa como su “fortalez y su apoyo”.
“Duke di Edinburgh a wordo ingresa den e hospital Rey Edward VII na London, diamars anochi, como medida di precacion pa wordo trata pa un infeccion cu a sugri despues di e un condicion preexistente”, seun vocero di palacio.
Reina Isabel, e monarca na bida cu mas tempo a ocupa e trono na mundo, a celebra su di 91 cumpleaños na April. El a wordo compaña pa Parlamento door di su yiu homber, Charles, heredero na e trono.
Phillip, directo, rabioso y hopi cuidadoso cu su bida priva, ta un ex- ofical di Marina naci na Grecia y tin un reputacion di duna comentarionan bruto y di comete descuidonan ocasional.
Isabel y Phillip, cu a contrae matrimonio den e Westminister Abbey na 1947, tin planea pa celebra nan boda di platino na November.
Fuente: www.reuters.com