Prijs di stampia entrante 2019 lo subi cu 14%

0
RBC Juli 2018
Funmiles-2018

AMSTERDAM, Hulanda- E no ta riparabel mas cu riba un stampia ta para un ‘1’. Pero e prijs di stampia cada aña ta subi enormemente. Entrante 2019 e stampia lo subi cu 14%. E Autoriteit Consument & Markt (ACM) a duna su aprobacion pa esaki.
Ministerio di Asuntonan Economico no ta descarta cu den e próximo 10 añanan e prijs di stampia lo por costa di 1.5 euro. Esaki ta door di e descenso di e cantidad di paketenan postal. Tanto e aña aki como aña pasa e porcentahe aki a bah acu 10% compara cu e aña anterior.
Na 2017 no a entrega ni 2.5 biyon carta, carchi, revista of recibonan. Na 2009 ainda PostNL a manda 2 biaha mas tanto pakete postal. E tempo ey, stampia tabata costa mita di loke ta e ta costando awendia. Na 2025 e cantidad di carta/pakete cu lo wordo manda lo baha te na 1.5 biyon.
Un stampia caro na Dinamarca
Na Dinamarca so, e cantidad di paketena postal cu ta wordo entrega ta vahando rapidamente compara cu Hulanda. E introduccion di dos sorto stampia pa e consumidor, uno barata unda cu por dura un siman prome cu’n pakete ta wordo entrega y pa un entrega rapido, dentro di 24 ora, no a yuda e causa tampoco.
Den dos aña di tempo, e entrega di 24 ora a baha di 50 miyon na 20 miyon. E gastonan a subi rápidamente, pa cual e stampia ‘caro’ awo ta costa 3.63 euro na Dinamarca. Como consecuencia di esaki, gobierno Danes a haya aprobación di Union Europeo pa un ayudo estatal di 160 miyon den dos aña.
Den e ultimo mita aña Hulanda tambe a studia kico ta e diferencia den prijs si luganan menos pobla lo no haya post ariba base diario mas. Esaki lo spaar algún miyon euro. Door di a para e entreganan di tur dialuna, aki PostNL a spaar 20 miyon euro. E reducción di e cantidad di postbusnan for di 19 mil pa 10 mil a logra trece un ahorro di 20 miyon euro.
Dialogo postal
Mayor austeridad lo produci menos ahorro, segun expectativanan. Pa es motivo aki tambe e participantenan den e dialogo posterior, cu tabata presente den e dialogonan di 6 luna pasa, no ta na favor di reduci e frecuencia di entreganan. Sin embargo, tin un conseho pa coopera cu otro proveedornan pa reduci gastonan.
Remarcabel ta cu semper ta e consumidor cu ta esun cu ta Sali perdi. E prijs di un stampia pa e consumidor particular a casi bira dobbel, mientras cu e average di prijs di un pakete postal empresarial ainda ta na mesun nivel di 2009. Na 2016 e tarifa pa un pakete postal empresarial tabata 70 ct, mientras cu e consumidor particular tabata paga ya caba 78 cent. Esaki ta door cu e pakete particular mester cumpli cu yen di rekisitonan legal, manera paketenan di rouw cu mester wordo entrega dentro di 24 ora. Esaki ta haci’e mas caro ainda.

Comments

comments

C: Heineken
new india
dvg