WASHINGTON, Merca- E salida di Merca di e tratado nuclear cu Iran a genera un subida den e cotisacion di e prijsnan di petroleo. E prijsnan di petroleo tabata tin casi tres aña sin conoce cambio.
E comportamento a registra un dia despues di cu e mandatario Mericano, Donald Trump a anuncia cu su pais lo bandona, di forma unilateral, for di e tratado y cu e lo impone sancionnan nobo riba Teheran si nan no yega na un acuerdo alternativo. E decision aki por genera un impacto dramatico riba e oferta di mercado petrolero.
E prijsnan di Brent a subi cu 2,7%, na 76,87 dollar pa bari. Aunke cu el a yega di cotisa na un maximo di 77,43 na comienso di dia. West Texas Intermediate (WTI) a experimenta un aumento di 2,6% despues di a keda na 70,85 dollar pa bari, segun Reuters.
Companianan petrolero manera Exxon Mobil y Chevron tabata esunnan mas beneficia, despues cu nan a raporta un aumento significativo. Ademas di e petroleo, di e accion di fabricantenan di arma na Merca, a bay halto despues di e anuncio di Trump.
Despues di a lanta e sancionnan di Iran, danki na e tratado, e pais aki a bira e di tres exportador di crudo mas grandi di e grupo cu 2.6 miyon bari pa dia. E sancionnan di parti di Merca lo por afecta e stabilidad di suministro, cual a crea nerviosismo bou di e inversionistanan.
Fuente: REUTERS