Prijs di gasoline a subi na su nivel mas halto den tres aña

0

SECAUCUS, Merca- Prijs di gasoline ta subiendo y yegando nivelnan cu no a wak den mas di tres aña. Prijs di gasoline na Merca a subi cu 10 cent siman pasa. Esey ta 20 cent den e ultimo luna.
Chauffeurnan na New Jersey ta pagando bou di 3 dollar pa un gallon di gasoline regular, unleaded.
“E tabata 54.16 dollar pa 18 gallon y awo e ta na 40 dollar pa 13 gasoline. Esaki segun usuarionan.
Na California y Hawaii, prijs di gasoline ta yegando 3.70 dollar pa gallon, casi un dollar mas halto cu e averahe nacional.
Merca tin 10 estado unda cu e prijs di gasoline ta 3 dollar pa gallon of mas. Tin un demanda hopi halto pa gasoline. Economia Mericano ta bayendo bon, cual ta trece mas trabao y cu trabao, ta bin mas transporte.
Pero tambe, segun informenan e aumento den prijs ta debi cu e suministro di crudo ta bahando.
Esaki ta e temporada mas druk den transporte y segun analistanan, Mericanonan lo paga un extra 200 dollar pa gasoline, compara cu aña pasa. Pero prijsnan na e stationnan di gasoline te ainda ta basta abao cu e prijs record di 4.11 dollar pa gallon na 2008.

Fuente: CBS

Comments

comments