Amsterdam, HULANDA- President Turco Erdogan ta haci un yamado na organisacionnan internacional pa tuma pasonan contra di Hulanda. Esey el a bisa den un speech. El a bisa tambe cu Hulanda ta comporta su mes como un “republica di banana”.
Erdogan a critica otro paisnan Europeo tambe pa nan falta di critica riba e problemanan diplomatico entre Hulanda y Turkia. Segun Erdogan, Hulanda mester paga pa su accionnan. E no kier un reconciliacion cu NATO te ora cu esaki sosode.
E problema entre Turkia y Hulanda a cuminsa na momento cu Hulanda a nenga di duna permiso pa e avion di minister Mevlüt Çavusoglu (Relacionnan Exterior) aterisa. Despues e minister Turco Fatma Betül Sayan Kaya ta wordo deteni y expulsa pa Alemania.
Hulanda no kier pa ministernan Turco bin core campaña pa e referendum na Turkia. E referendum ta pa duna Erdogan mas poder.
Fuente: RTLnieuws.com