Presidente di Parlamento, Mervin Wyatt-Ras, a splica kico tur a tuma luga den e dianan aki pa loke ta reunionnan interno pa trata diferente tema.
Wyatt-Ras a probecha felicita tur maestro riba dia Internacional di Enseñsa y hopi forsa pa eherce nan trabao.
Tabata tin un reunion di comision central unda cu a aproba tambe un blanco verslag pa loke ta e fondo di TPF y tambe e presupuesto di DOW cu a drenta Parlamento. En todo caso awor aki ora cu tin chens ta bay over na e tratamento den reunion publico. Tambe ta bezig cu reunionnan cu tin riba tratamento di presupuesto di pais Aruba. A reuni den comision central y a palabra cu dia 18 di October ta entrega tur pregunta di miembronan di Parlamento di e presupuesto di aña 2017 y e ora esaki a base di e contesta, depende con lihe e contesta yega, e ora por bay over na tratamento den e prome of di dos siman di November y finalis’e cu uitloop te ora cu yega, of cu tin por ta un pauze intermedio. Tambe tin e presupuesto mes di e hoge colleges, cu ta esun di ARA y di Raad van Advies y di Parlamento cu tin cu fine tune ainda. Tin pensa den e siman cu ta bin pa asina por wak si por trata nan e ora pa wordo trata despues den comision central y despues den reunion publico pa aproba e presupuesto di hoge colleges. Por bisa cu ta mirando tur e issuenan awor aki den e dianan aki, trahando pa mira kico ta e otro factornan pa asina tambe trata nan den e temporada cu ta bin aki. E presupuesto ta bay tin mannan yen. Pa loke ta e otro departamentonan manera DOW y TPF, pa otro siman ta bay sali un oproeping. Tin e fondo di monumentonan, caminda cu lo bay atende cu e hecho di Uncle Louis Store pa asina drecha esaki. Ta bay pone hunto cu esaki, e ora pone e tratamento di e fondo di TPF. E ta algo importante cu si cualkier eventualidad, e fondo ey semper por yuda. Esey ta bay ta tambe riba agenda.