Presidente electo di Haiti, Jovenel Moïse ta wordo sospecha di labamento di placa, segun un informe administrativo. E sospechoso aki a lanta cabes bek despues cu Parlamento a exigi e fin di investigacion anterior prome cu e toma di posesion dia 7 di Februari.
Sonel Jean François, hefe di e Unidad Central di Informacion Financiero UCREF) a declara na medionan di comunicacion cu a cuminsa un investigacion contra Jovenel Moïse. E entidad aki, cu a traha e informe, a celebra di manera excepcional un conferencia di prensa diaranson despues cu cuater Senador a exigi un investigacion prome cu e toma di posesion.
Jovenel Moïse semper a nenga e acusacionnan y ta considera e informa aki, di tin un obhetivo difamatorio.