Presidente di Venezuela Nicolas Maduro a anuncia aumento di salario minimo y pensioen na 40 mil bolivar

0

E prome mandatario Venezolano, Nicolas Maduro a anuncia un aumento di 50% di salario minimo y di pensioen, yegando na un entrada mensual na 40.638 bolivar. E entrada integral ta bira 104.358 bolivar.

Durante su programa na television “Contacto con Maduro”, nr 76 di e President Venezolano, Nicolas Maduro, e aumento di salario minimo a keda anuncia. “Pa ranca sali e aña nobo aki, mi a dicidi di duna un aumento di e salario minimo y di pensionoen. Esaki ta bira e di cinco aumento, hunto cu e cuaternan duna aña pasa”, asina e Maduro a declara.

Di e manera aki, Maduro ta hisa e salario minimo di 27 mil bolivar pa 40 mil bolivar.

Di otro banda, Nicolas Maduro, a anuncia cu lo publica un lista di 80 mil persona cu lo bin na remarca pa pensioen. Segun Maduro, cu e lista nobo aki, ta yega na mas di 3 miyon persona cu ta bin na remarca pa pensioen na Venezuela.

LAGA UN REPLY