NEW YORK CITY, New York – E presidente ehecutivo di Uber Technologies Inc., Travis Kalanick, cofundador di un di e companianan di tecnologia mas influyente di su generacion, a demiti diamars bao di presion creciente di e inversionistanan riba su liderasgo.
E salida di Kalanick ta cera un periodo tumultuoso pa e compania di servicionan di biahe mas grandi di mundo, cu a altera e industria di taxi y regulacionnan di transporte na nivel mundial cu Kalanick na cabes.
“Mi gusta Uber mas cu nada na mundo y na e momento dificil di mi bida personal a acepta e solicitud di e inversionnan di bay un banda pa Uber por bolbe construi na luga di distrae cu otro pelea,” Kalanick a bisa den un comunicado inicialmente pa New York Times y verifica pa un vocero di Uber.
Kalanick, di 40 aña a enfrenta na un mayor escrutinio den e ultimo simannan despues di un investigacion riba e cultura y e practicanan den e luga di trabao den un empresa cu a yuda na inicia na 2009 y cu awo e emprendimento ma balora di mundo.
Pero e solicitud di cambionan den e gerencia di e compania di parti di algun di e mayor inversionistanan di Uber tabata loke den e ultimo instancia a obliga Kalanick na renuncia, segun un fuente familiarisa cu e asunto.
Fuente: http://lta.reuters.com