Durante un reunion diamars mainta di e comision central den Parlamento a dicidi cu lo trata e presupuesto na luna di November segun Presidente di Parlamento, Mervin Wyatt-Ras.
Por bisa cu e presupuesto ta riba agenda y tabata tin e reunion di comision central diamars mainta, pa asina palabra un ke otro. Presupuesto di pais Aruba a drenta Parlamento dia 31 di Augustus, y pesey tin tempo pa e Parlamentarionan tin’e y e ora a palabra cu na prome instante, kier pa tur miembro entrega nan preguntanan dia 6 di October, pero den deliberacion a yega na e conclusion pa duna nan mas tempo y entrega esakinan dia 16 di October y asina e por cana su caminda pa Gobierno contesta y bin Parlamento. Ta spera cu pa comienso di November por trat’e den reunion publico, mirando cu ta importante e aña aki pa e presupuesto drenta tempran Parlamento y ta spera por trat’e tempran y pa e keda cla pa por cumpli tur loke ta e reglanan.