Durante reunionnan di IPKO na Corsou a ricibi diferente presentacion y a haci diferente bishita na proyectonan, e.o. proyecto di waf riba diamars. Diaranson a haci un recorido na e hospital nobo den construccion. Presidente di Parlamento Wyatt-Ras ta haya di importancia cu por tuma nota di dicho proyectonan.
Por a tende alabes cu pa loke ta trata e proyecto di waf tin hopi intercambio cu Aruba. E hospital nobo ta un proyecto cu lo finalisa dentro di un aña y mey. Ta di importancia segun Wyatt_Ras pa nos paisnan por traha hunto ariba diferente area y tambe pa loke ta nos salubridad y nos specialistanan.
En bista di malesanan chronico creciente nos tin cu uni forsa pa asina combati e malesanan aki y tambe baha gasto. Sinembargo esaki ta un proceso cu no ta tuma luga asina facil. Ta di importancia cu nos gobiernonan por traha hunto pa por stimula e proceso aki.