WASHINGTON, D.C., Merca- E secretario general di e Organisacion di Estadonan Americano (OEA) Luis Almagro a indica cu den e ultimo lunanan e regimen di Venezuela “a caba di dera e democracia, separacion di poder, husticia y garantianan civil, derechonan politico, economico, social y tur e principionan cu ta haci un gobierno legitimo”.
Di mes manera el a responsabilisa e integrantenan di e actual gobierno “ilegitimo”, y el a sigura cu e papel di e presidente di Conseho Nacional Electoral, Tibisay Lucena “tabata instrumental den e derumbe institucional”.
“Un organo electoral independiente, imparcial, sano y cu capacidad adecua, ta fundamental pa garantisa e derechonan politico di e ciudadanonan”, segun e canciyer.
Den e sentido aki, Luis Almagro a detaya cu Tibisay Lucena “ ta comberti su mes “ den e presidente di un Conseho Electoral cu ta violando e principio di un voto universal, desconociendo e articulonan 62 y 63 di e Constitucion Bolivariano unda ta reconoce cu “vota ta un derecho, e lo wordo eherce pa medio di votacionnan liber, universal, directo y secreto”.
No obstante, el a argumenta cu ora cu CNE a anuncia cu a ascende na 545 constituyente y a expersa cu esakinan mes lo eligi riba basenan sectorial y teritorial. “Lucena cu su accion e ta aproba e eliminacion di e voto universal pa e ehercicio di e soberania popular”.
Fuente: www.ntn24.com