BUENOS AIRES, Argentina- E dirigente defensor di Derechonan Humano, Marta Vasquez, kende ta presidente di e asociacion Madres de Plaza de Mayo – Línea Fundadora, a fayece diasabra na edad di 90 aña.
Vasquez, a nace na Bahia Blanca, pero a wordo cria na La Plata, y tabata interna desde siman pasa den un clinica. Noticia di su morto a wordo confirma pa e hefe di Servicio di Paz y Husticia, ganado di Premio Nobel di Paz, Adolfo Pérez Esquivel, cu recorda Vasquez como un “luchado coherente pa derechonan humano”.
Vasquez tabata presidente di e organisacion Madres de Plaza de Mayo Línea Fundadora y tambe di e Federación Latinoamericana de Familiares de Desaparecidos (Fedefam), a trabes di cual el a realisa aportenan grandi na e redaccion di e Convencion Internacional contra di Desaparicion Forsa di Persona.
E dirigente tabata mama di Maria Marta Vasquez, un hoben di 23 aña cu tabata traha como psicopedagoog, dunando apoyo escolar. E tabata na estado na momento di su detencion door di e dictadura, dia 14 di Mei 1976, hunto cu su casa Cesar Lugones. Ambos te ainda ta desapareci.
Segun declaracion di e represor Adolfo Scilingo, Maria Marta a duna luz na un yiu homber, mei mei di e luna di Januari, den e centro di detencion y tortura den e Escuela Mecanica di Armada (ESMA). Desde e momento ey, Marta Vasquez a dedica su mes na buskeda di e matrimonio y di nan yiu, aunke ta na su morto e no por a haya datonan cu por a sirbi pa haya su famia.
Fuente: https://www.infobae.com/