Pa prome biaha aki na Aruba lo tin e congreso di CONCACAF, unda 41 pais lo ta presente, incluso presidente di FIFA. Durante e congreso lo discuti diferente topico. Esaki ta e prome congreso cu Victor Montagliani ta asisti como Presidente di CONCACAF. E delegadonan a cuminsa yega for di Diaranson y Minister dr. Alex Schwengle y Richard Dijkhoff di AVB a topa nan na yegada na aeropuerto.
“E ta un privilegio pa trece e congreso di CONCACAF pa Aruba. Aruba ta mustra un contribucion signicativo pa e region di CONCACAF. Aruba a bay hopi dilanti y a mustra un impacto pe confederacion pa loke nan ta haciendo. Pa mi e no tabata hopi dificil pa tuma e decision di tin e prome congreso di CONCACAF na Aruba,” asina Victor Montagliani a remarca.
E Confederacion di Noord y Centro America y Asociacion di Futbol di Caribe (CONCACAF) ta e organo gubernamental di continentenan Norte Americano, cu ta inclui Centro America y region Caribense. Tres departamento di Guyana Frances, Nacionnan independiente di Guyana, Surinam y Guyana Frances ta miembro di e Confederacion. E funcion primordial di CONCACAF ta organisa competencianan pe team y clubnan nacional. Tambe nan ta organisa e torneonan clasificatorio di e Copa Mundial masculino y femenino.
Victor Montagliani di 51 aña di edad ta un comerciante Canades, ehecutivo di futbol y Presidente di CONCACAF. Tambe e ta miembro di FIFA. E ta ex hungado di e club di futbol amateur Colombus F.C. Den su careda profesional, e tabata manager di Hogan & Cox Insurance Adjusters na Maple Ridge prome cu el a bay Vancouver na 2003.
A funda CONCACAF dia 18 di September, 1961 na Mexico City, Mexico, unda cu a pone hunto NAFC y CCCF. Esaki a pone cu e continental di 5 e tempo ey, pero awo ta 6 confederacion continental, afilia na FIFA. E miembronan cu a fund’e ta Canada, Costa Rica, Cuba, El Salvador, Guatemala, Haiti, Honduras, Mexico, Antias Hulandes (Corsou), Nicaragua, Panama, Surinam y Merca.
CONCACAF ta e di tres confederacion mas exitoso di FIFA. Desde comienso Mexico tabata domina CONCACAF den e competencia masculino y a gana Gold Cups desde comienso di e torneo. E team nacional di Mexico ta e unico team di CONCACAF di a gana un torneo oficial di FIFA di a gana e 1999 FIFA Confederations Cup. Tambe nan a yega e rond 16 di e ultimo 6 Copa Mundial, mientras cu Merca ta e unico pais for di Europa y Sur America di a ricibi un medaya den Copa Mundial, terminando na di 3 luga na 1930. Tambe nan a yega e kwart final na e Copa Mundial di 2002 y e final di 2009 Confederations Cup. Entre nan, Mexico y Merca a gana tur pero menos e edicionnan di CONCACAF Gold Cup.
Den añanan reciente Costa Rica a bin na poder den e region y na 2014 nan a bira e di 4 pais di CONCACAF despues di Merca, Cuba y Mexico pa yega e kwart final di Copa Mundial. Den e categoria femenino di futbol e team di Merca tin un exito rotundo. Nan ta e unico miembro di CONCACAF cu a gana tres competencia mundial den futbol femenino, cu ta e Copa Mundial (3), Olimpiada (4) y e Algarve Cup (10).
CONCACAF tin 41 miembro asocia; 27 di Caribe, 7 di America Central, 4 di Noord America y 3 di Sur America.
Philippe Moggio ta un Frances-Colombiano y e ta ex hungado profesional di tennis, bankero, ehecutivo di deporte y awo e ta e Secretario General di CONCACAF. Durante e reunion di escogencia pa president di CONCACAF aña pasa na Mei, nan a scoge Moggio pe posicion ey. El a representa Colombia na añanan 1996, 1997, 1998 y 1999 den e competencia di tennis Davis Cup.
CONCACAF lo reuni na Aruba pa su congreso ordinario number 32 cu 41 pais participando cu mas di 200 delegado presente. E hecho cu nan ta na Aruba ta bin como un reconocimento pa e trabounan cu AVB a desplega e ultimo añanan, cambiando di un organisacion boluntario pa un organisacion profesional. Ta considera Aruba como un berdadero ehempel den e region y como tal a honra e isla como anfrition di e congreso, cu ta conta cu top di CONCACAF, CONMEBOL y FIFA riba nos isla.