AMSTERDAM, Hulanda- E presentado di e programa Spoorloos, Derk Bolt y e camarografo Eugenio Follender ta bek na Hulanda. E duo cu a wordo secuestra siman pasa na Colombia, a yega dialuna merdia bek riba suela Hulandes. Segun e canal di television, entretanto e dosnan aki ta cerca nan famia.
No a haci mucho buya cu nan regreso. Anteriormente e canal di television a anuncia cu e dosnan aki lo kier trankilidad.
Bolt en Follender tabata den e parti noord di Colombia pa grabacion di e programa Spoorloos, ora cu diasabra siman pasa nan a wordo secuestra door di e grupo gueriyero ELN (Ehercito para la Liberacion Nacional). Diasabra ultimo nan a wordo laga den libertad.
E dosnan aki, na nan regreso den mundo civilisa a bisa cu nan tabata teme pa nan bida, pero cu nan a wordo bon trata door di e grupo gueriyero. E gueriyeronan di ELN a kere cu e dos Hulandesnan tabata traha pa e departamento di inteligencia Mericano, CIA.
Fuente: www.anp.nl