Diaranson merdia Polis a keda informa cu lo tin un tiro a cay den area di Mabon. Di biaha patruyanan ta yega na e sitio y a keda informa cu esnan cu tabata cerca di e tiramento ta docente y studiantenan di SPO, nan lo a core bay direccion di e scol. Na e scol Polisnan y recherche ta papia cu e docente y a declara kico a pasa. Unda un persona na pia na un cas a sali pafo y los tiro den laira y bay bek den su cas.
E situacion aki a hala hopi atencion na comunidad ora cu un presentado di noticia na Canal 90 ta yega bira na radio cu un informacion extra oficial cu nan lo a caba di tira un juffrouw, awor awor awor aki, “ informacion cu nos ta hayando cu na Savaneta na un scol a caba di tira un juffrouw y nos ta wardando informacion di e caso lamentabel aki. Y cu polis ta buscando den e area y cu hende a pasa den auto y los tiro ariba veld. “ ( asina e presentado di noticia a transmiti na radio ) Maske cu e momento ey ni polis tabata na altura mes y ta persona a yama na warda di San Nicolas y informa di e caso aki despues di 10 minuut. Esaki a hala atencion completo na hopi hende mayornan a cuminsa yega scol pa busca nan yiunan.
Tabata tin testigo cu a mira e sospechoso su movecionnan kico tur el a haci y a informa autoridad di e caso aki unda e homber a los dos tiro so den laira. Investigacion di Polis ta andando den full swing. Ningun momento un persona den auto a pasa los tiro riba e veld. E persona tabata basta leu di e veld y tabata dilanti un cas den e area di Mabon y a los dos tiro den laira y bay. Nos no lo divulga mas informe pa no stroba e investigacion debi cu tin sospechoso na bista.
Loke ta lamenta ta cu e departamento di Telecomunicacion DTZ pa hopi aña no tin e aparato pa graba radio emisoranan unda cu locutornan y of presentado di noticia cu tin programa cu ta bay den aire y trece informacionnan eroneo cu ta trece panico na e oyentenan scuchando. Te hasta programanan cu persona ta yama bay den aire y insultonan na gran cantidad y hasta menasa y nunca por actua debi cu no por graba e emisoranan. Maske DTZ den su ley ta pidi cu na bo mes un stacion di radio bo mester tin e grabacionnan graba y warda dos biaha 24ora. Y pa loke ta noticia lesa tanto e papel y e voz tin cu wordo warda pa minimo 14 dia. Esaki ta para den e ley di DTZ arituclo 17 completo ta informa di A te G. Na Aruba a yega e momento pa personanan cu ta presenta noticia na radio mester busca e informe corecto y no specula algo eroneo como prome informe cu ta trece panico cerca oyentenan cu ta e comunidad di Aruba.