Manera a wordo previamente door di Meteo Aruba cu e aviso di “tropical storm watch” pa Aruba a wordo anula, mirando cu e sistema a bira un “OPEN WAVE”.
E cambio aki lo no kita si cu e departamento y e liaisonnan lo cambia nan strategia di trabou manera tabata planea pa por a atende “Bret”. Tur e 8 Cluster nan centro di crisis lo keda activo y keda den contacto cu otro via e medio di comunicacion di nan escogencia.
Esaki ta significa cu maske cu a kita e aviso di “watch” toch e departamentonan a opta pa keda standby te cu diaranson mainta 21 di Juni 8or di mainta. Motibo di esaki ta cu si den caso di algo presenta e lo no bira un situacion caminda cu lo bay tuma su tempo pa activa tur e personalnan necesario. Di e manera aki e departamentonan ta demostra di ta cla prepara pa cualkier eventualidad.
Pa locual ta e resumen di e ultimo encuentro di dia 20 di Juni mester informa cu generalmente tur departamento ta consciente cu despues di e ultimo incidentenan di aña pasa tur a siña di esakinan y ta miho prepara pa actua den caso cu un incidente presenta. A siña di e puntonan di atencion y tambe ta conoce kico ta cada un nan limitacionnan. Por mira un manera di traha mas conhunto caminda cu cada un ta duna e sosten necesario na otro pa asina e trabounan por wordo ehecuta debidamente.
Comunidad general por wordo garantisa un bon reaccion di parti di cada un di e departamentonan.
Bureau Rampenbestrijding Aruba ta enfatisa pa cada ciudadano ta prepara pa cualkier eventualidad di mal tempo cu por presenta, manera cu a wordo informa caba na e comienso di e temporada di horcan. Ta conseha pa cada ciudadano haci e preparacionnan necesario di tempran y no laga esaki nan na ultimo momento ora cu algo presenta.
Ta pidi e comunidad pa no laga e situacion di tempo cu Aruba a haya su mes aden pasa sin mas. Ta haci un peticion na tur hende pa haci esaki e oportunidad pa bo tin bo plan di emergencia cla pa bo famia, organisacion, instancia, compania etc. Awo ta bon pa bo prepara pa si den futuro si Aruba haya su mes den un situacion di emergencia bo ta cla pa enfrenta esaki. Pero no keda sin lubida cu nos Arubianonan ta hendenan cu ta biaha den exterior y situacionnan di emergencia tambe por presenta ora bo ta den exterior.
Por lesa informacion riba e facebook di Bureau Rampenbestrijding Aruba.