Diahuebs ultimo e directiva di Brazil Taekwondo Stichting a reuni tocante e di 8 Gold Coast Taekwondo Cup. Aaron Jacobs ta bay coach e team di Train Hard Fight Smart y lo presenta e lista di bringadornan e siman aki pa asina Brazil Taekwondo Stichting por tin su team cla. Un cos ta sigur cu nos lo start cu e nobatonan pa asina nan tambe haña e taste di bringa. No ta conoci ainda kende tur lo participa na e di 8 Gold Coast Taekwondo Cup. Esaki ta e di dos clasificacion pa Best of the Best 2017 cu ta tuma lugar na November.
Durante di e reunion a papia tocante di e preparacion di e TK5 tambe y di con esaki ta bayendo y kico tur por spera di e team cu lo mester wordo selecta dia 5 di Augustus 2017. Na e reunion tabata tey presente algun miembro di Aruba Tiger Taekwondo Academy tambe, nan a bin reunion pa haya mas informacion tocante di e TK5 y kico tur nan atletanan lo mester haci pa por bin na remarke pa drenta den e team di TK5. Alberto Klabér a splica esaki na placa chikito pa asina nan por ta bon informa. Esaki ta e di 6 TK5 na Corsou y Surinam y nos kier bay cu un miho team posibel pa asina logra gana Corsou e aña aki.
Josefa Willems a presenta e lista di atletanan cu ta contribui cu e rifa pa asina por cumpra uniform. Awor a bin cu un otro idea pa recauda fondo pa e atletanan por tin nan mesun cosnan pa por train aden y pa nan tin semper hunto cu nan ora di bringa. Esaki lo kita un peso grandi for di e coach su lomba. Asina aki tur atleta lo ta mas responsabel pa nan mesun cosnan.