Servicio Meteorologico ta informa riba un aviso pa calor excesivo cu lo ta valido di 12 pm diamars, 19 di September te 6 pm diabierna dia 22 di September.
Ta continua e prolongacion di tempo humedo spera den e siman te cu fin di siman aki.
Presion abou causa pa horcan maria lo produsi un biento zwak di noord te noordoost. e caracteristica aki lo perdura pa motibo cu horcan Maria lo keda den vecindario di noordoost di Caribe. Temperaturanan maximo di diamars pa diabierna lo vria di 33 pa 36 grado Celcius. Porcentahe di humedad den 80 te 89% lo contribui na un indice di calor (temperatura aparente) rond di 40 te 44 grado Celcius cada dia.
E calor y humedad halto lo no baha mucho anochi cu temperatura bahando solamente te un minimo di 27 grado. Esaki lo aumenta e peliger pa hendenan cu no por haya un luga adecua pa refresca nan curpa.
Calor excesivo ta e asesino di tempo nr. 1. Hende mester ta prepara pa e peliger cu calor excesivo ta ocasiona. Mucha chikito, hende grandi y hende cu malo di curason ta esnan mas cu ta wordo exponi na calor. Limita actividad pafo di cas pa oranan tempran di mainta of ora solo baha. Si bo tin un airco cu ta funciona uz’e, of a lo menos habri bentana pa laga aire pasa y circula.
Accion di precaucion
Un aviso pa calor excesivo ta nifica cu un periodo di temperatura halto ta wordo spera.
E combinacion di temperatura y humedad halto lo combina pa crea un situacion den cual malesa causa pa exposicion prolonga na temparatura halto lo por presenta. Bebe hopi likido, keda den camber cu airco, keda aleha for di solo.