E uzo di deodorante natural ta cada biaha mas popular rond mundo. Y no solamente nan ta util pa neutralisa mal holor.
Ademas, nan compuestonan ta suave cu salud y medio ambiente.
Aunke den actualidad tin hopi producto comercial cu e caracteristicanan aki, hopi ta sigui prefera e formulanan ecologico pasobra nan no ta desea di expone nan mes cu e toxinanan cu ta contene un ke otro kimico.
Atrabes di publicidad nan a pone nos kere cu e opcionnan industrial ta e miho. No obstante, lo cierto ta cu tin recetanan natural cu, di forma mas sigur, ta brinda nos nan mesun cualidadnan cu un extra di beneficio.
Lo miho di tur ta cu e ingredientenan ta hopi facil di adkiri y di hecho, ta resulta mas economico den comparacion cu e presentacionnan cu ta wordo bendi riba mercado.
Den e oportunidad aki nos kier comparti varios receta pa elabora nan na cas siguiendo algun paso hopi simpel.
No laga di purba nan!
Deodorante di rosemarijn y binager di appel
Rosemarijn ta un mata medicinal cu por wordo probecha pa neutralisa holonan corporal malo ocasiona pa sodo y bacterial
Su combinacion cu binager di sidra di appel ta brinda nos un di e miho deodorantenan natural y di paso, ta yuda regula e pH di e cuero.
Ingrediente:
1 cup di infusion di rosemarijn (250ml)
½ cup di binager di appel (125ml)
Envase
Un boter chikito di glas cu tapa
Preparacion
Introduci e infusion di rosemarijn den un boter chikito di blas y mescl’e cu e binager di appel.
Seya e producto bon y lage fermenta durante 10 dia den un luga fresco y scur.
Filtra e deodorante cu un colado fini y despues sigui pa uz’e.
Spray riba e areanan desea cu ayudo di un sprayer, of bon freg’e cu ayudo di un pida catuna.
Deodorante di simiyanan di linasa y baking soda
Esaki ta un di e formulanan mas recomenda pa cueronan sensibel y seco, dado cu e simiya di linasa ta brinda un extra humectacion.
Danki na su propiedadnan, agrega na e baking soda, ta combati holornan malo y ta frena e exceso di sudoracion.
Ingrediente
½ cup di awa (125 ml)
1 cuchara di simiya di linasa (10g)
2 cuchara di baking soda (20g)
1 telep di azeta di rosa (5g)
Envase
Boter di glas cu tapa.
Preparacion
Keinta e mita cup di awa y agrega e simiyanan di linasa
Lage riba candela abao durante algun minuut y despues filtr’e cu un colado fini.
Incorpora e baking soda na e awa diki y por ultimo agrega e azeta di rosa.
Almacena e producto den un botter di glas y sey’e bon.
Aplica e cantidad cu bo ta considera necesario, den e areanan manera axila (bao di brasa) y nek.
Deodorante di citrico y salo di lama
Tanto e citriconan como e salo di lama tin compuestonan antibacteriano y deodorante cu ta contribui na elimina holonan malo corporal.
Ambos ta exfolia e cuero y ta yuda na blankea di forma natural.
Ingrediente
1 casca di apelsina
1 casca di lamunchi
2 cup di awa (500 ml)
½ cup di salo di lama (100g)
Envase
Botter di glas cu tapa
Preparacion
Corta e cascanan di e citriconan y mesclanan cu e awa den un weya
Laganan herbe pa varios minuut, filtra e awa y reserva.
Incorpora e infusion friu den un container di glas y mescl’e cu salo di lama.
Remove bon y aplik’e cu ayudo di un pida catuna.
Deodorante di aloe y lamunchi
Aloe of sabila ta un mata medicinal cu a bin ta wordo uza durante hopi siglo como tratamento di algun enfermedad interno y di cuero.
Su compuestonan antibacteriano y humectante ta util pa regula pH cutaneo, riba tur cuero sensibel.
Esaki, sumando na e acidonan natural di lamunchi, ta haci cu e ta un bon alternativa pa caba cu mal holo bao di e brasanan.
Ingrediente
3 cucharada di gel di aloe vera (45g)
2 cuchara di juice di lamunchi (20ml)
3 cuchara di awa di rosa (30ml)
1 telep di glicerina (5ml)
1 telep di azeta esencial di mata di thee (5g)
Envase
Botter di glas cu tapa
Preparacion
Pone e gel di aloe vera y e juice di lamunchi den un recipiente y mescla nan te ora cu nan ta bon integra.
Siguientemente, agrega e awa di rosa, glicerina y e azeta esencial di e mata di thee.
Combina nan bon y almacena nan den un botter di glas.
Tuma e cantidad cu bo ta considera necesario y aplica esakinan den e areanan cu bo ta desea di deodorisa.
Uz’e dos biaha pa dia.
Manera cu bo por a nota, ta hopi facil elabora bo propio deodorantenan for di mescla di ingredientenan natural.
Eligi e receta cu mas ta yama bo atencion y incorpor’e den bo rutina di cuidado personal.
Fuente: Mejor con salud (https://mejorconsalud.com)