Premionan pa competencia di Lionfish e biaha aki ta bay ta pa individual

0

Esunnan cu a inscribi y cu a entrega Lionfish nan tin nan pase automatico  pa Palm Island y nan por participa diadomingo awo den e jaagmento di Lionfish. Diadomingo awo, lo tin premionan special pa esunnan cu entrega e Lionfish e dia ey. Esun mas hopi, mas grandi, mas chikito. Lo tin varios premio como incentivo.
E prijs pa subi Palm Island diadomingo awo lo ta pa adulto, AWG. 89 y pa mucha e lo ta  AWG. 49. Esey ta pa esunnan cu ta participa na e evento te na final. Mayoria di esunnan cu a entrega Lionfish e biaha aki, ta bay ta individual. Dus e premionan, contrario na e ultimo competencia, lo bay ta individual.
E meta pa sigui cu esaki, y ya tin plannan caba pa e resto di aña. E.o. lo sigui cu charlanan na scol, sigui conscientisa, sigui educa tocante Lionfish. Tambe lo sigui duna informacion ariba Facebook. Esey ta un di medionan cu mas ta wordo uza door di Aruba Reef Foundation. Aki riba por wak e videonan graba ora di sambuyamento, cualnan por ser mira riba Youtube.
Por ultimo, Sr. Peres a bisa cu lo tene un of dos competencia mas pa 2017 y esaki ta pa mantene e jaagdonan activo y tambe pa yuda combati e problematica di Lionfish,

LAGA UN REPLY