Posibel entrada di exploracion di petroleo y gas mester bay pa baha deficit presupuestario

0
RBC Juli 2018
Funmiles-2018

DEN HAAG – Fraccion di VVD den Tweede Kamer no kier pa eventual entrada di extraccion di gas of petroleo wordo gasta na otro cos cu no ta baha e deficit di presupuesto di pais Aruba.
E pensamento di Minister Presidente, Evelyn Wever – Croes pa lanta un fondo special den cual e ganashi lo wordo deposita, tabata indicacion pa parlamentario di VVD, Andre Bosman dirigi algun pregunta, por escrito, na Secretario di Estado drs. Raymond Knops pa Asuntonan di Reino. Prome Minister di Aruba, cu e fondo lo kier evita cu e eventual ganashi cu e exploracion di gas y petroleo lo trece, lo (mester) bay pa baha e deficit presupuestario. Segun Sra. Wever- Croes, e eventual ganashinan cu ta toca Aruba lo mester wordo inverti den e mehoracion di enseñansa como tambe Salud Publico.
Bosman lo kier sa di Knops si e ta comparti e pensamento di VVD, “cu e presupuesto prome mester traha y baha e deficit presupuestario, prome cu bay over na crea fondonan”.
E miembro di Tweede Kamer kier sa di e secretario di estado si e College Aruba financieel toezicht lo tin un rol specifico den controla gobierno.
Si algun dia lo tin beneficionan pa loke ta exploracion di gas of petroleo, esey ainda ta den duda. Pero pa aworaki e compania Spaño Repsol ta haciendo algun boramento di prueba dilanti costanan di Aruba. Lo dura algun luna prome cu haya e prome resultadonan.

Fuente: https://arubanieuws.nu

Comments

comments

C: Heineken
new india
dvg