WASHINGTON D.C., Merca – Servicio Secreto a detene diasabra anochi un homber cu a stuur su auto te na un punto di revision cerca di Cas Blanco y a bisa cu e tabata tin un bom, dos di e orden a bisa CNN.
No tabata tin confirmacion riba si a haya algun dispositivo den e auto, pero siguridad den e residencia di e presidente di Merca, a wordo eleva inmediatamente. E vehiculo ta den revision, segun agentenan a bisa.
E incidente a sosode pa 11’or y 5 di anochi, den un punto di revision, Servicio Secreto a bisa. Cuater ora mas despues, dicho punto di revision a keda blokia, pero e cayanan cercano a wordo habri bek y tecnico di bom y otro elementonan di personal di siguridad adicional a bandona e luga.
Servicio Secreto a describi e situacion como un “investigacion criminal en marcha.”
Na e momento di e incidente, e presidente di Merca, Donald Trump, tabata den su residencia particular di Mar-a-Largo na Florida, unda cu e ta pasa mayoria di su finnan di siman.
Mas tempran diasabra, otro persona a wordo deteni despues di a bula riba un parkinglot di bicicleta dilanti di Cas Blanco. E persona, kende den ningun momento a logra di acerca na e banda di e residencia, tabata tin un documento cu e tabata kier a entrega na Cas Blanco y no tabata tin ningun arma cun’e, un agente di e orden a bisa.
E incidentenan a sosode un siman despues cu un homber a drenta den e hardinnan di Cas Blanco y a keda eynan pa mas of menos un 15 minuut.
Fuente: CNN en Español