MOLUSKO, Colombia – E gran apuesta cu Ecopetrol y Repsol a haci pa un bon hayasgo gasifero den lama Caribe Colombiano, no a duna resultadonan positivo ora cu e pos Siluro, a resulta seco, cercano na e infrastructura di Guajira.
Apesar di esaki, Ecopetrol ta mantene e speransa pa haya hidrocarburo na Molusko unda cu pa prome biaha, den historia di e empresa Colombiano, e estatal nacional ta operador; eynan nan tin como socio e compania Indio ONGC.
E director di e estatal Agencia Nacional de Hidrocarburos (ANH), Orlando Velandia, a señala cu a haci un gran apuesta riba e pos aki, “pero desafortunadamente e resultado no tabata loke nan a spera.”
Durante di e aña, a bora den e pais 32 pos exploratorio y den henter e aña pasa a haci 21, Velandia a señala. E tema di Siluro tabata un gran desafio, “tabata pa purba di yega na un horizonte geologico nunca antes bishita,” e director di ANH a bisa. Ta wordo calcula cu e inversion tabata cercano di mey miyon di dollar diario mientas cu den awanan mas profundo unda cu ta ubica Gorgon, Kronos y Purple Angel, e inversionnan por alcansa den e miyon di dollar pa cada dia di trabao.
Fuente: www.elespectador.com