Tur districto na Aruba a wordo ilumina diasabra anochi por medio di e Parada di Cambio di partido Pueblo Orguyoso y Respeta (POR). Un tremendo parada yena cu ainda hopi bon ambiente y cu e respet cu sostenedornan di POR a sa di demostra na tur momento deny pa comunidad.
Lider di partido POR sr. Otmar Oduber kier gradici cada ciudadano cu a sali y a mustra nan sosten durante di e parada di luz, e “Parada di Cambio” cu a tuma luga diasabra anochi.’ Un gran cantidad di auto y hende a join nos riba caminda mientras cu canto di caminda por a mira un sosten y apoyo grandi tambe pa nos partido. Mensahe tur caminda tabata cu nan kier mira cambio akinan na Aruba. Nan kier mira cambio den e manera di hiba politica na Aruba y den prioridadnan di Gobierno. A pasa den tur districto, cooperando cu polis henter e ruta y a sa di tin un actividad cu bon ambiente sin problema.’
A finalisa e parada na e actividad di nos colega lan Howell na Mabon cu un publico gandi y un ambiente fenomenal. Ta gradidi tur hende pa nan bon comportacion y cooperacion no diasabra anochi so pero henter e periodo di campaña. Un campaña ehecuta na forma diferente den tur aspecto y semper poniendo preocupacion di comunidad como prioridad.