ROMA, Italia – Un teremoto di magnitud 5.5 a wordo sinti diaranson den e centro di Italia, segun Servicio Geologico di Merca a informa.
E servicio di Proteccion Civil di Italia a confirma cu tin dos persona herida como consecuencia di e temblor.
E movimento telurico a presenta dos luna despues di e fuerte temblor cu a causa morto di casi 300 persona y cuantioso daño material den centro di e pais.
E teremoto a tuma luga pa 7’or y 11 ora local, y a dura algun seconde.
E prome imagennan di e temblor ta circulando riba rednan social, camind cu por aprecia e intensidad cu e zona a biba aden.
E movimento di tera a wordo sinti claramente na Roma y a registra na 10 kilometer di profundidad den e zona di Macerata den Marcas, region di e centro di Italia y localisa no hopi leu di e pueblonan cu a wordo practicamente distrui dia 24 di Augustus ultimo door di e fuerte teremoto.
Fuente: NTN24