LUQA, Malta – Por lo menos cinco persona a fayece den un accidente di avioneta cu tabata biaha contra un caretera entre Safi y Kirkop, cercano na e aeropuerto di Luqa, na Malta, medionan Maltes a informa.
E aeroplano, un Metroliner, tabata pertenece na un sociedad di Luxemburgo y a bin abao poco despues di a lanta vuelo desde e aeropuerto internacional di Malta, pa 7’or y 20 ora local.
E cinco victimanan mortal registra den e tragedia na aeropuerto di Malta, ta di nacionalidad Frances, segun e Gobierno maltes a informa den un comunicado.
Na prome luga medionan local a informa cu el a wordo uza pa Agencia Europeo pa e Gestion di e Cooperacion Operativo na Fronteranan Exterior (Frontex) y tabata dirigiendo na Misurata, Libia, sin embargo e agencia a desmenti.
Den un mensahe riba Twitter, Frontex a splica cu e avioneta cu a cay na Malta no a wordo uza pa nan.
Medionan Maltes a splica cu e avioneta a cay rond di 5’or y mey, poco despues di a lanta for di e pisa y cu algun testigo a papia cu a aparece un humo diki preto na e momento ey.
Autoridadnan di e pais a afirma cu no tabata tin ningun explosion den e aeronave durante e fase di despegue, basando riba testigonan presencial como tres miembro di e Forsanan Arma Maltes y dos piloto cu tabata na e base.
Den un comunicado di e sociedad cu ta gestiona e aeropuerto (MIA), a informa servicionan di rescate y di incendio y di e departamento di proteccion Civil, mescos cu e ekipo medico di e hospital Mater Dei a wordo mata inmediatamente den escena.
E vuelo tabata forma parti di un operacion di vigilancia den Mediteraneo cu e ekipo di Douane Frances a desaroya durante e ultimo cinco lunanan pa identifica rutanan di trafico ilicito di droga y di traficacion di hende, entre otro delitonan.
E avion tabata tin premira regresa Malta algun ora despues di su despege, sin baha den ningun otro pais.
E aeropuerto internacional di Malta ya a retoma su actividad tras permanece cera durante algun ora, mescos cu e aerodromo a confirma den un comunicado.
NTN24