BÜYÜKÇEKMECE, Turkia – Por lo menos cinco persona a muri despues cu un helicopter a dal contra un toren di television den e districto di Istambul di Büyükçekmece, alcalde di e zona aki, Hasan Akgün, a confirma.
Segun autoridad, e neblina diki por tabata e causa di e accidente cu a sosode pa 11’or y 20 di mainta ora local, cinco minuut despues cu e aparato a lanta vuelo for di e aeropuerto Ataturk, situa den e parti Europeo di e ciudad.
E helicopter tabata di propiedad priva y shete persona tabata abordo: dos piloto, un pasahero di nacionalidad Turco y cuater ciudadano Ruso, e agencia priva, Dogan, a informa.
Varios ambulance y ekiponan di bombero a keda desplasa na e luga di e accidente.
Fuente: El Espectador