WADAJIR, Somalia – Por lo menos 10 persona a fayece diamars den un atentado cu un autobom reinvindica pa e Islamistanan Al Shabab, afilia na Al Qaeda, e ministerio di Siguridad Somali a anuncia.
Segun varios fuente local, un homber na stuur di un minibus, carga di explosivo a dal contra di e porta di e oficinanan di distrito di Wadajir, zuid di e capital Somali. “E guardianan di siguridad a purba di deten’e, pero el a logra drenta y rementa e auto,” Omar Adan, un responsabel di siguridad local a declara na AFP.
Vocero di e ministerio di Siguridd, Ahmed Mohamud Mohamed, a sigura cu “mas di 10 persona a muri den e explosion perpetra pa Al Shabab y otro nuebe a resulta herida.” “Mayoria di e victimanan ta civil,” el a añadi.
Segun SITE Intelligence Group, specialisa den vigilancia di paginanan web Islamita, Al Shabab a reivindica e atake.
E organisacion Islamista aki a hura pa caba cu e fragil Gobierno Somali, respalda pa e comunidad internacinal y pa e 22 mil miembronan di forsa di e Union Africano na Somalia (AMISOM).
Fuente: www.elespectador.com