Durante un conferencia di prensa yama pa partido POR e forsa nobo a splica riba e parti formal haya dor di e instancia electoral, segun Sr. Otmar Oduber.
Tabata un momento formal den henter e proceso pa loke ta trata un partido politico cu kier participa den eleccion pa un proximo Parlamento, despues di 22 di September. E union cu a tuma luga, na fin di November y cu a wordo concretisa na December, unda Sr. Oduber y Sr. Bikker, hunto cu su organisacion y un gran cantidad di candidatonan cu a bin ta wordo presenta den e ultimo lunanan.
Tambe presente, tabata Sra. Marisol Lopez- Tromp, kende despues di hopi deliberacion, combersacionnan cu a tuma luga a dicidi di join tambe. Despues cu a bay Cas di Cultura na December y a formalisa dilanti Notario di e partido Pueblo Orguyoso y Respeta, e proceso a cuminsa eynan tambe, e continuacion di combersacionnan cu tabata tin cu gremio, grupo y instancianan den comunidad y naturalmente e aspecto formal pa loke ta trata participacion tambe na e proximo eleccion. Recientemente nan a wordo notifica, cu e partido a wordo acepta y esaki a wordo notifica na e pueblo di Aruba tambe, segun Sr. Otmar Oduber, lider di partido POR.
Presidente di Conseho Electoral, Sr. Hubert Maduro cu tabata presente durante e conferencia di prensa yama pa partido POR e la splica cu awo plataforma politico E Forsa Nobo ta un partido oficial pa por participa pa eleccion 2017.
Na Aruba tambe a sinti e mesun malcontento cu e funcionamiento di e politica y esey tin di haci cu nos ta biba den temponan cu economicamente, cosnan a cambia hopi. P.e. Francia tambe tabata tin su eleccion recientemente, pero cu su economia y su industria a cambia hopi. Na Aruba e parti industrial den nos economia a haya slanan masha duro mes y ainda nos no sa, unda nos ta bay para.
Un cos ta bon, e hendenan cu ta bisa cu “nos ta bay haci algo”, “nos ta bay purba di haya algo nobo den politica”. Den e caso aki, aña pasa tabata tin 3 partido nobo. Probablemente POR lo ta e ultimo partido cu ta inscribi pa participa na eleccionnan di September proximo. E termino pa inscribi un partido ainda.
Conseho Electoral ta check si e statunan ta cumpli cu ley y den e caso aki, no tin ningun problema cu partido POR. Sr. Hubert Maduro, di Conseho Electoral a haci entrega di copia di e decision di e Conseho Electoral na Directiva di plataforma E Forsa Nobo.