POR a ricibi bishita di experto riba siguridad di Turismo

0

Partido P.O.R, E Forsa Nobo a yama bon bini na Dr. Peter Tarlow cu ta stima Aruba masha hopi mes y tabata di transito na Aruba, pero cu lo bolbe bek pa fin di luna. Dr. Peter Tarlow ta un experto riba siguridad di Turismo y tambe combati y preveni terorismo. Parlamentario Andin Bikker ta kere cu tur e temanan aki ta actual na Aruba y ta importante pa nos pais. Actualmente Aruba ta enfrentando un crisis di insiguridad. Segun Bikker den cuadro di e plan di accion di Partido P.O.R , E Forsa Nobo ta consultando cu diferente expertonan riba e tereno aki pa asina conhuntamente bin cu un solucion pa Aruba.
Cada cas cu a keda bishita den e ultimo temponan e punto principal di preocupacion ta siguridad. Pesey mes Partido P.O.R , E Forsa Nobo ta trahando duro y ta enfoca pa trece un solucion pa bin cu trankilidad bek pa nos pueblo. Parlamentario Andin Bikker ta gradici Dr. Peter Tarlow pa su amor pa Aruba y a dicidi di asisti Partido P.O.R riba e plan di accion cu e partido lo cumpli cu ne den gobernacion. Di e manera aki Partido P.O.R ta compromete cu lo restaura e siguridad di Aruba tanto pa e bishitantenan, pero principalmente pa nos local nan cu ta biba riba e pida baranca aki.
Segun Bikker ta hopi importante pa traha pro activo mirando kico tur ta pasando rond mundo y Aruba mester ta atento riba tur esaki y traha mas pro activo. Partido P.O.R hunto cu Dr. Peter Tarlow lo traha hunto pa trece un solucion di siguridad pa e comunidad di Aruba. Partido P.O.R tin esaki den su plan di accion y na momento cu drenta gobierno lo ehecuta esaki manera mester ta.
Tarlow mes ta gusta biaha pa Aruba y a bay bin traha den diferente aspecto na Aruba pa 10 aña largo. Cu esaki e tin un conocemento amplio con Aruba su situacion ta. Pa su persona Aruba ta un hoya den Caribe te ainda y ta importante pa conserva esaki mas hopi cu ta posibel. Pesey mes e ta duna di su parti pa contribui pa Aruba ta mas safe cu ta posibel y pa e bishitantenan for di exterior sigui sintinan safe na Aruba. Tambe e experto a haci entrega di su ultimo buki cu e la skirbi ‘’Sport Travel Security’’ na Parlamentario Andin Bikker .Pueblo di Aruba ta importante pa abo pone bo voto di confiansa unda abo ta desea di mira cambio, bo voto ta conta pa un cambio y mehoracion pa Aruba, Vota partido P.O.R Andin Bikker y lo sigura bo siguridad bek na Aruba.