Sr. Ferdinand Ponson vocero di Cuerpo di Bombero a splica over e candela diasabra anochi den caya na un deposito. Ta asina cu e yamada a drenta cu e deposito di radio shack ta na candela.
Manera e prome unidad di bombero cu a presenta na e sitio a bin ripara cu no tabata e deposito di radio shack pero tabata un su tras, cu ta e deposito di ocean blue cu ta di mercancianan di paña y demas articulo.
Sr Ponson a comenta cu e bomberonan a haci e trabou rapido di e manera cu por a domina e candela y scapa grandi parti di e deposito di manera cu e candela no a kima e luga completo.
https://www.facebook.com/masnoticia/videos/1470001606370756/
Sr Ponson a splica cu asina cu e bomberonan a yega ya e doñonan a raporta na e OVD di bombero y asina a logra habri e deposito su porta y asina e bomberonan por a haci e trabou mas facil y lihe pa combati e candela.
Nos a combati e candela ambos banda di e edificio pa asina cera e origen na unda e candela a cuminsa pa e no cana bay otro parti di e edifico y bira un mas grandi.
A puntra Sr Ponson con lo bay investiga kico a causa e candela y a informa cu hunto cu departamento forensico di cuerpo policial y di bombero lo bay haci e investigacion pa determina kico tabata e origen di e candela.