AMSTERDAM/ORANJESTAD- “E cos aki ta hopi erg. Mas cu tur, increibel. Nunca antes mi a yega di maak mee algo asina”. Minister Ronald Plasterk ta den schock over e declaracionnan di un politico Caribense, cu ta haci un yamado pa mata y kima militarnan Hulandes.
E declaracionnan aki a wordo haci door di Clyden van Putten, lider di PLP riba e isla Hulandes, St. Eustatius. Den un discurso, e ta bisa cu e minister Hulandes mester ta prepara si e manda militarnan Hulandes pa e isla. “Nan lo wordo mata y kima den e cayanan di St. Eustatius”.
Minister Plasterk (Minister pa Asuntonan di Reino) diabierna mainta a tende di e discurso. “Mia dicidi di entrega denuncia. Esaki ta un caso pa polis y Ministerio Publico. Esaki ta un yamada pa incita violencia. Polis y Ministerio Publico mester investiga esaki mas aleu.”.
Pa un largo tempo caba Van Putten ta bringando pa mas autonomia pa St. Eustatius. Dicon e expresionnan aki? Plasterk no tin niun idea. “Mi no ta su sikiatra. Pero cu e falta algo, e falta algo. E cos aki ta hopi ege. Militarnan Hulandes a traha duro e ultimo lunanan, tambe na St. Eustatius.
E partido SP ya caba a manda haci algun pregunta. Tin varios di e miembronan di parlamento Hulandes cu ta simplemente rabia cu e expresionnan aki. Andre Bosman di VVD: “Trata Van Putten cu mannan duro. Menasa nos militarnan ta algo inexplicabel”.